Բաժինը՝ Առարկայի դասավանդման մեթոդիկա, 30 ժամ, 2 կրեդիտ
Վերապատրաստող՝ Լուսինե Փաշայան
Տևողությունը՝ հոկտեմբերի 3-28
Պարապմունքների օրերը՝ երկուշաբթի, չորեքշաբթի, ուրբաթ
Սկիզբը՝ 14:30
Վայրը՝ Ավագ դպրոց, 3-1 կաբինետ
Աշխատակարգ
Թեմա 1. Ուսումնական առարկայի ուսուցման նպատակը և խնդիրները:
Անդրադառնալ «Իմացումի հրճվանք» ծրագրին, ուսումնական պլանին, պարզաբանումներին: Գրել նկատառումներ:
Աշխատանք խմբերով. Քննարկել և ներկայացնել յուրաքանչյուր բաղադրիչ նպատակը և խնդիրները:
Անհատական աշխատանք. ներկայացնել ուսումնական պլանի կատարողականը անցած ուստարում դասավանդած դասարանում. հաջողած կետեր և թերություններ:
5․Ուսումնական պլանի սովորողի ընտրությամբ բաղադրիչով՝ սովորողն շաբաթական 2 ժամ մասնակցում է «Երաժշտական գործունեություն», «Կերպարվեստ», «Մարմնամարզություն», «Բանավոր մաթեմատիկա»:
«Կերպարվեստ»-ի դասաժամին սովորողների մեծ մասը ցանկանում է մասնակցել, բայց չեն կարող, որովհետև 12-22 հոգանոց են խմբերը ու արհեստական բաժանում ենք անում։ Պետք է ձևակերպումը փոխել։
31. 3-րդ դասարանում Սովորողը մասնակցում է եռօրյա հայրենագիտական-բնապահպանական-արշավախմբային ճամբարի կրթահամալիրի Արատեսի դպրական կենտրոնում կամ Սևանի ափին։
Այս կետը կարելի է վերանայել, ինչո՞ւ պարտադիր, և ինչո՞ւ միայն այս երկու տեղերը։
Թեմա 2. Խմբային աշխատանքի իրականացումը ուսումնական առարկայի ուսուցման ընթացքում:
Քննարկել խմբային աշխատանքների առանձնահատկությունները և դրանց ազդեցությունը սովորողների հաղորդակցման կարողությունների վրա։
Աշխատանք խմբերով. կազմել խմբային աշխատանքների տեսակների ցանկ, նկարագրել յուրաքանչյուր աշխատանքը: Օրինակներ բերել հեղինակային ծրագրից, «Դպիր» ամսագրից:
Անհատական աշխատանք.
Կարդալ հոդվածներից մեկը, համառոտ ներկայացնել։
- Ընտանեկան դպրոց․ մանկավարժական օգնություն-Սուսան Մարկոսյան
- Համագործակցային ուսուցման հնարավորությունները-Հասմիկ Ղազարյան
- Խմբային նախագծի կազմակերպում-Մարինա Ստուպնիցկայա
Խմբային և անհատական նախագծերի առանձնահատկությունները-Դրական կողմերը
Խմբային նախագիծ
- Ձևավորվում է համագործակցելու, Ճկունություն ցուցաբերելու, դիմացինի կարծիքի հետ հաշվի նստելու, հանուն ընդհանուր նպատակի փոխզիջման գնալու կարողությունները:
- Նախագիծը կարող է ավելի խորը և բազմակողմանի իրականացվել:
- Թույլ է տալիս աշխատանքի բաժանում կատարել, և խմբի յուրաքանչյուր մասնակից կարող է առավելագույնս ցուցաբերել իր հմտությունները այն աշխատանքում, որը նա շատ լավ է կարողանում կատարել:
- Խմբային աշխատանքը անվտանգ և համապատասխան միջավայր է ստեղծում անինքնավստահ և անհանգիստ երեխաների համար: Այն նպաստում է ձևավորելու ճիշտ փոխհարաբերություններ այդ երեխաների և նրանց հասակակիցների միջև, որի արդյունքում բարձրանում է ինքնագնահատականը:
- Համատեղ աշխատանքը հնարավորություն է տալիս փորձ ձեռք բերելու՝ դիտարկելով մյուսների կատարած աշխատանքը և ավելի արդյունավետ լինելու ուսումնական պրոցեսում:
Անհատական նախագիծ
- Նախագծի հեղինակը ավելի լիարժեք և բազմակողմանի է ուսումնասիրում նախագիծն աշխատանքի բոլոր փուլերում:
- Զարգանում է նախաձեռնելու հմտությունը, պատասխանատվության զգացումը, ակտիվությունը:
- Նախագծի թեման կարող է առավելագույնս համապատասխանել սովորողի նախասիրություններին:
- Նախագծի ընթացքն ու արդյունքը կախված են հեղինակից:
- Վերջնական գնահատումն ավելի լիարժեք է արտացոլում կատարված աշխատանքի որակը:
Թեմա 3․ Լաբորատոր և/կամ գործնական, նախագծային աշխատանքների կազմակերպումը ուսումնական առարկայի դասերին:
Անդրադառնալ կրթահամալիրի ուսումնական օրացույցին՝ որպես նախագծային ուսուցման ուղեցույցի:
Ներկայացնել և խմբավորել ուսումնական նախագծերի տեսակները: Նախագծի կառուցվածի օրինակներ բերել:
Խմբային աշխատանք. Անդրադառնալ Ուսումնական նախագծի մշակման և իրականացման կարգին:Ներկայացնել դիտարկումներ:
Անհատական աշխատանք.
- Ընթերցել Դպիրից առանձնացված հոդվածներից, մշակումներից մեկը և գրախոսել:
- «Նախագծային ուսուցում. տեսություն և փորձ»-Աշոտ Տիգրանյան
- «Նախագծային ուսուցումը՝ որպես փորձարկված, կիրառելի, գործող մանկավարժություն «Մխիթար Սեբաստացի» կրթահամալիրում»-Մարգարիտ Սարգսյան
- «Ուսումնական ճամփորդության կազմակերպման մեթոդական նկարագրություն»-Անահիտ Հարությունյան
- «Ճամփորդույամբ ուսուցում։ Այլոց փորձի ուսումնասիրում»-Յուրա Գանջալյան
- Ընտանեկան նախագիծը՝ ուսումնական գործունեության բաղադրիչ-Սիդոնյա Վիրաբյան
- Ճամփորդությունը՝ ուսումնական գործունեության կարևոր բաղադրիչ-Լուսինե Գասպարյան
2. Ներկայացնել հոկտեմբեր ամսվա նախագծերից մեկ նախագիծ և պլանավորվող ճամփորդանական նախագծերից մեկ նախագիծ:
Ճամփորդություն դեպի Կոմիտասի թանգարան-ինստիտուտ