Զատկական ասիկներ՝

Մարիա՛մ խաթուն,

Մարիա՛մ խաթուն,

Իջի մեր տուն, իջի մեր տուն,

Ես քեզ կտամ նուշի կթոն /միջուկ/:

———————————-

Դռան առաջ հերկեցինք,

Զատկի ձվեր ներկեցինք,

Դրկցին ողջույն տվեցինք:

Լուսնյակն անուշ, հովն անուշ,

Հում կաթի պաղ սերն անուշ:

Կարմիր արև քեզ, ախպեր,
Աստծու բարև քեզ, ախպեր:

Կարմիր եզին օղն ու կոճակ,
Կարմիր հավկիթս դուրս բերեք,
Ճերմակ հավկիթս ներս տարեք:

—————————————

• Զատիկն ասել ա՝ հենց գամ արմանաս, հենց գնամ՝ զարմանաս:
• Հազարից մի օր Զատիկ է, էն էլ նավակատիկ:
• Հավը կուտե հատիկ, հատիկ, ծով ձմեռեն կելնե Զատիկ:
• Ակլատիզը փետելով Զատիկը շուտ չես բերի:

———————————

Տիկին-տիկին, տիկնակոթ,
Տիկինը գնաց բանջարի,
Բանջար չկար, խոտ կար,
Խոտի տակին ծիտ կար:
Ծտի տակին ձու կար,
Քեռիս փայտը կտրատեց,
Քեռակինս ձուն խաշեց,
Մոտեցա մինը վերցնեմ,
Շերեփը գլխիս քաշեց

——————————

Զատիկ եկավ լույսով, սիրով,
Ձեր տուն մտնի բարի օրով,
Սերը թող լի լինի ձեր սրտում,
Խաղաղություն՝ ձեր օջախում։

———————————
Քո ձուն բարի, իմ ձուն՝ քարի!

Արևմտյան դպրոցի երկրորդ դասարանցիները բնագիտության լաբորատորիայում, բնագիտության ուսուցիչ՝ Շուշան Ալեքսանյանի օգնությամբ, մեծ սիրով տնկեցին ծաղկի կտրոններ, որպեսզի խնամքով աճեցրած ծաղիկները նվիրեն իրենց մայրիկներին։ Այս աշխատանքը ոչ միայն ստեղծագործական և ուրախ փորձառություն էր երեխաների համար, այլև օգնեց նրանց սովորել բույսեր խնամել, զարգացրեց պատասխանատվության զգացումը և բնության հանդեպ հոգատար վերաբերմունքը։ Սովորողները հաճույք ստացան իրենց սեփական ձեռքերով պատրաստած նվերը  հանձնել մայրիկներին։

1.  Ծիսական, ազգային երգեր

Ծաղկազարդի (Ծառզարդար)  ծիսական, ազգային երգերի ուսուցում,  կատարում

1.  Կարկաչա  — տարբերակ 1,  կատարում,   Կարկաչա — խոսքեր
2.  Կարկաչա  — տարբերակ 2,  կատարում,   Կարկաչա — խոսքեր
3.  Խնկի ծառ  —  կատարում,  Խնկի ծառ  —  խոսքեր
4.  Ծառ ծաղկեցավ  —  կատարում,  Ծառ ծաղկեցավ —  խոսքեր
5.  Բարի լույսի զանգեր զարկին  — կատարում,   Բարի լույսի զանգեր զարկին  —  խոսքեր
6.  Ջա՜ն, գարուն է —  կատարում,  Ջա՜ն, գարուն է — խոսքեր
7.  Այ, արևը, արևը  —  կատարում,  Այ, արևը, արևը — խոսքեր

Սուրբ Հարության (Զատիկ)  ծիսական, ազգային երգերի ուսուցում,  կատարում

1.  Սուրբ Աստված  —  կատարում,    Սուրբ Աստված  —  խոսքեր
2.  Քրիստոս ի մեջ  —  կատարում,    Քրիստոս ի մեջ  — խոսքեր
3.  Յալալի  — դանդաղ տարբերակ,  կատարում,  Յալալի —  խոսքեր
4.  Յալալի  —  արագ տարբերակ,  կատարում,   Յալալի —  խոսքեր
5.  Զնկլիկ 1 —  կատարում,    Զնկլիկ 1  —  խոսքեր
6.  Զնկլիկ 2  —  կատարում,    Զնկլիկ 2  —  խոսքեր
7.  Զա՛րկ, բոլոճիկ  —  կատարում,   Զա՛րկ, բոլոճիկ  —  խոսքեր
8.  Ճոր պար —  կատարում,    Ճոր պար  —  խոսքեր
9.  Գնացե՛ք, տեսե՛ք  —  կատարում,     Գնացեք, տեսեք  —  խոսքեր

Մարինե Մկրտչյանի բլոգից

Իմ մայրիկի անունը Թամարա է։ Նա նման է արևածաղիկի, որովհետև նա սիրուն է արևածաղիկի նման։ Ես իմ մայրկին շատ եմ սիրում։ Իմ մայրիկը սիրում է արևածաղիկներ։ Նա կարծես աստղիկ լինի։

Էվա

Ես շատ եմ սիրում իմ մայրիկին։ Իմ մայրիկը գեղեցիկ է  և քնքուշ։ Նա ունի կլոր դեմք, նուրբ դիմագծեր, գեղեցիկ մազեր։Իմ մայրիկը բարի է, բանիմաց է ու խելացի։

Նա ինձ միշտ օգնում է և դժվար պահերին  միշտ իմ կողքին է։Ես ցանկանում եմ ,     որ մայրիկս միշտ ժպտա և առողջ լինի։                  

Իմ մայրիկը շատ բարի է:  Իմ մայրիկը շատ հոգատար է:   Իմ մարիկը շատ   պայծառ է:

Ադրիանա

Սիրելի մայրիկներ, Արևմտյան դպրոցի երկրորդ դասարանի սովորողները սրտանց շնորհավորում են ձեզ Մարտի 8-ի կապակցությամբ։ Թող ձեր սրտերը միշտ զգան այն սերն ու հարգանքը, որ դուք ամեն օր պարգևում եք ձեր երեխաներին։ Երեխաներս շնորհակալ են ձեր անսահման նվիրումի և անվերապահ սիրո համար։

Փորձ 1
Անհրաժեշտ նյութեր ՝ ջուր (80 գրամ ջուր), տարա, ամանի հեղուկ (4 ճաշի գդալ), ձողիկ, գլիցերին (1-2 ճաշի գդալ) ։
Ընթացք՝ ամանի մեջ լցնել ջուր, ամանի հեղուկ և լավ խառնել։ Հետո ավելացնել գլիցերին ու կրկին խառնել։ Վերցնել ձողիկը, թաթախել ստացված լուծույթի մեջ և փչել։ Կարող եք սեղանի մակերեսին ջուր քսել և ձողիկով փչել պղպջակներ։ Փորձեք համեմատել սովորական հեղուկից և ջրից ստացված պղպջակներ ինչով են տարբերվում գլիցերինով պղպջակներից։

Փորձ 2
Անհրաժեշտ նյութեր՝ մեկ շիշ գազավորված ըմպելիք (կարող է լինել ցանկացած չափի), մեկ հատ հյութ խմելու ձողիկ, փուչիկ, բաժակ, մկրատ կամ դանակ։
Ընթացքը՝ շշի վրա փոքրիկ անցք եք անում այն հատվածից վերև, որտեղ վերջանում է հեղուկը։ Անցքի մեջ մտցնում եք ձողիկի մի ծայրը, իսկ մյուս ծայրի տակ դնում եք բաժակ։ Փուչիկը ոչ ամբողջությամբ փչում եք, և հագցնում շշի բերանին, նախապես հանում եք կափարիչը։ Նկարագրեք ինչ տեղի ունեցավ։

Փորձ 3
Անհրաժեշտ նյութեր՝ թափանցիկ բաժակ, գազավորված ջուր և մի քանի չամիչ։
Ընթացքը՝ սկզբում բաժակի մեջ լցնում ենք գազավորված ջուր։ Այնուհետև ջրի մեջ գցում ենք մի քանի չամիչ և ուշադիր դիտում։ Նկարարագրեք ինչ է տեղի ունեցավ։

Փորձ 4
Անհրաժեշտ նյութեր՝ կիտրոն, գունանյութ, ամանի հեղուկ կամ ձեռքի հեղուկ օճառ, սննդի սոդա։
Ընթացքը՝ վերցրու կես կիտրոն, դրա մեջ փոքր անցք բացիր, լցրու գունանյութ, ավելացրու ամանի հեղուկ կամ հեղուկ օճառ, ապա վերջում ավելացրու սննդի սոդա։ Ի՞նչ փոփոխություններ նկատեցիր փորձի ընթացքում։