Նախագծի ընթացք- սեպտեմբեր ամիս
Նախագծի մասնակիցներ- 1-ին դասարանի սովորողներ
Նախագծի նպատակ— սովորողների մոտ ձևավորել սեփական ես-ի հանդեպ վստահություն, զարգացնել հաղորդակցական կարողություններ: Ինքնաճանաչման միջոցով նպաստել միջավայրի ադապտացմանը (յուրացմանը), անհրաժեշտ փոխհարաբերությունների (սովորող-սովորողներ, սովորող-ուսուցիչ) հաստատմանը՝ զարգացնելով սովորողների ինքնուրույնությունն ու ինքնասպասարկման հմտությունները: Խթանել ստեղծագործական մտածողության, երևակայության զարգացմանը:
Ինչպես նաև, սովորողների ընտանիքներին ներգրավելով ուսումնական աշխատանքներում՝ դարձնել կրթական ծրագրի պատասխանատու:
Խնդիրները`
- Ադապտացում միջավայրին (միջավայրի յուրացում).
- Ինքնուրույնության դրսևորման զարգացում.
- Ինքնասպասարկման (անձնական հիգիենա) հմտություների զարգացում.
- Բանավոր խոսքի զարգացում (առանց սխալվելու վախի խոսելու, հանդես գալու հնարավորություն).
- Հաղորդակցական հմտությունների ձևավորում ու զարգացում.
- Երաժշտական ունակությունների դրսևորում, զարգացում.
- Ստեղծագործական երևակայության զարգացում.
- Մաթեմատիկական հասկացությունների ձևավորում:
Օգտագործվող գրականության ցանկ՝
- «Բութ մատն ասաց… » (ժողովրդական խաղիկ)
- Աթաբեկ Խնկոյան «Աքաղաղն ու կտուրը»
- Աթաբեկ Խնկոյան «Մեղուն»
- Հովհաննես Թումանյան «Լուսաբացին»
- Հովհաննես Թումանյան «Անհաղթ աքլորը»
- Հովհաննես Թումանյան «Ծիտը»
- Հովհաննես Թումանյան «Երկինքը փուլ է գալիս»
- Հովհաննես Թումանյան «Ճամփորդները»
- Ղազարոս Աղայան «Ծիտը և բազեն»
Երգեր՝
«Արև, արև, եկ, եկ»
«Ձիուկ»
«Կաքավիկ»
«Խորոզ»
Ընթացք
- Ներկայացնել իրեն (խոսել սիրելի խաղերի, հերոսների, խաղալինքերի, գույների, մասին) :
Սովորողները նկարում են իրենց, նկարները խառնում են և պատահական մի նկար վերցնելով փորձում են գուշակել, թե ընկերներից ում է նման: Այն սովորողը, ում նկարը ներկայացված է, սկսում է պատմել իր մասին, ներկայացնել իրեն:
Սովորողը իր նկարին մոտենալուց հետո , մի փոքր պատմում է նախորդ ընկերոջ մասին, պատմում է, թե ում նկարն էր, ինչ էր անունը, նկարում ինչ տրամադրություն ուներ, ինչ է հիշում ընկերոջ պատմածներից:- Տանը իր փոքր ժամանակվա լուսանկարների հիման վրա ֆիլմ պատրաստել:
- Կարողանալ բերանացի պատմել լսած հեքիաթ — պատումները, խաղալով, դերախաղով վերարտադրել հեքիաթի հերոսների կերպարները:
Զարմանալի մեդիահմտություններ՝
Առաջադրանք.
Միացնել, անջատել համակարգիչը, ծանոթանալ Paint նկարչական ծրագրի հիմնական գործիքներին, լուսանկարել տեսախցիկով, պլանշետով:
Paint նկարչական ծրագրով նկարել օրվա տարամադրությունը, ունկնդրել երաժշտությունը և փորձել արտահայտել այն նկարի միջոցով:
Paint ծրագրով նկարել երևակայական կերպար, անվանել, պատում հեքիաթ հորինել երևակայական կերպարի մասին:
Ուրախ մաթեմատիկա-բանավոր համրանք՝
- Հաշվել սովորողներին
- Ամեն օր օրը սկսել ներկա բացակայով, հաշվել քանի սովորող է ներկա,
քանիսը՝ բացակա - Հաշվել քանի՞ աղջիկ կա դասարանում, քանի՝ տղա
Համեմատել (շա՞տ է, թե՞ քիչ): - Համեմատել երկու աղջիկների: Համեմատել երկու տղաների: Գտնել նմանություններն ու տարբերությունները:
- Հաշվել աթոռները, սեղանները, ծառերը: Համեմատել:
Կարևոր է սովորողների ֆիզիկական կոփվածությունը:
Մարզվել, հեծանիվ վարել, լողալ խաղալ ազգային, բակային խաղեր, ճամփորդել:
Ամփոփում՝«Ես» նախագծի ամփոփում